ليه لازم تسافر

 

هالو يا شباب
الفيديو دا هيبقي مختلف سيكا بس هيعجبكم اوي اوي يعني
هنتكلم علي حجات كتير بخصوص السفر ومش بس رأيي انا كمان
سألت شباب وشابات كتير من جنسيات مختلفة عن السفر

بس قبل ما ندخل بقا في الموضوع بقا الجيف اواي بتاعت الاسبوع دا هتبقي هتعجبكم جدا جدا بما اننا هنتكلم عن السفر فهتكون عبارة عن مخدة السفر ممكن تستخدمها حتي في المواصلات او في البيت هي كيوت كدا ومريحة جدا

متنسوش تكملوا الفيديو للأخر عشان تعرفوا الفايزين في الgiveaway اللي فاتت ويا ريت تتواصلوا معايا يا شباب علي الانستا او تسيبوا كومنت هنا عشان اوصلكم بسرعة

يلا نخش في المفيد يلا

قبل ما اتكلم عن خبرتي واراءي حبيت ناخد راي ناس تانية منهم مصريين وغير مصريين، سألتهم شوية أسئلة عن السفر بحيث يفيدونا، تعالوا نشوف قالو ايه؟ يلا نشوف

الاول هنسال عن السفر بشكل عام
ايه رأيك في السفر؟

هل لو سافرت لدولة تانية دا ممكن يساعدني وازاي؟

تفتكري في جانب وحش للسفر؟

لو هتوصفي السفر في كلمة واحدة الكلمة دي هتكون ايه

تحب تضيف اي حاجة للجمهور؟

بعد ما سمعنا اراء الناس بقا واستمتعنا تعالي بقا افصصلكم ليه السفر جميل جدا جدا وافرجكم كمان يعم

هقولكم خمس حاجات عن السفر هبدأ من رقم خمسة وهطلع بيهم لفوق لحد رقم واحد، اكتر حاجة بحبها في السفر

ملاحظة مهمة الفيديو دا انا مش بركز علي تفاصيل السفر زي تكاليف السفر وكل دا، انا بتكلم في التشانال دي علي منح وفرص كتير بس الفيديو دا بسلط الضوء علي السفر نفسه بعد ما تاخد خطوة السفر وتنطلق

في المركز الخامس يجي معانا - المهارات الجامدة اللي بتتعلمها بسبب الظروف والبيئة المختلفة اللي بتتحط فيها في الغربة -- بتبدأ بقا بمهارات الطبخ لحد مهارات انك تقدر تتحرك في دولة متعرفش تتكلم لغتها بجوجل مابس بس لحجات كتييير اوي -

لو قولتلي هتعلم منين وازاي - هقولك متقلقش اول لما تبقي هناك هتلاقي الظروف بتزوقك وبتتعلم غصب عنك

يجي بقا في المركز الرابع -- هو الثقافات يا رياض بيه الثقافات - زي ما شوفت في اول الفيديو كدا هتقابل ناس كتير من خلفيات ودول مختلفة وادمغة مختلفة هتسمع حجات غريبة جدا عمرك ما كنت تتخيل انها موجودة وهتتعلم حجات اغرب -- وفوق كل دا هتتعلم تتقبل كل دا وتتعايش معاه ودا امر مش سهل خالص خالص

يتطلب منك انك تخرج برا منطقة الراحة بتاعتك عشان تتقبل العادات والمعتقدات اللي ممكن جدا جدا تكون عكس المعتقدات بتاعتك

يجي معانا في المركز التالت - شبكة الصداقات اللي هتكونها في اي سفرية - دي بقا هتختلف باختلاف حجات كتييير اوي - من اول قابلت الشخص دا فين لحد ما العلاقة دي تطورت ازاي وكل دا

في مرة كنت راكب اتوبيس رايح بين دولتين في اوروبا - كان قاعد جنبي واحد من المكسيك، طول الطريق بقا كلام كلام وبعد ما حكالي قصته واتكلمنا كتير تبادلنا سبل التواصل ولسه لحد النهاردة علي تواصل

فمش هتعرف تحسب الموضوع دا بس شبكة الناس دي بتفضل دايما معاك وممكن جدا تكون احد اسباب انها تساعدك في المستقبل في اي شيء

تيجي بقا في المركز التالت - تطور اللغة بشكل رهيييب - ايا كان اللغة اللي هتستخدمها في التواصل - غالبا هتكون انجليزي بنسبة كبيرة - بس كن واثق ان اللغة دي هتطور بشكل رهييييييييب في فترة قصيرة عشان انت دلوقتي تخيل كل حاجة هتقولها هتقولها باللغة دي عشان الناس تفهمك -

الحوار هيكون رخم في الاول دا طبيعي لو مش متعود ولكن مع الوقت الموضوع هيبقي لطيف ومش هتحس ولا تفكر فيه يعني

يجي معانا في المركز التاني بقا - وممكن متحسوش بالموضوع دا اوي بس بجد بجد حاجة لا تقدر بتمن وهي ان عقلك بيتفتح بشكل رائع - بتشوف حواليك افكرا جديدة ومختلفة - بتغذي عقلك بشكل مستمر

لما تيجي تفكر في اي حاجة بعدين يمكن حتي فكرة مشروع او فكرة اكلة تعملها في البيت او اي حاجة تانية - هيجي في بالك غصب عنك افكار مكانتش هتخطر علي بالك عشان التعقيد بتاع عقلك وكمية المعلوامات والاشياء اللي بتقابلها في السفر بتكون كتييييير ومش لازم تدركها ساعتها - بتعلم معاك مع الوقت

واخير وليس اخرا ايها السيدات والسادة معانا في المركز الاول هو -- المغامرات واللف والاماكن الجميلة والتجارب الجديدة والمجنونة اللي هتعملها في كل مكان هتروحه دي مثلا واحدة من المغامرات

هتشوف حجات اشكال والوان -- هتلاقيني حتي علي انستجرام عامل highlights كدا في البروفايل بتاعي فيها مغامرات كل بلد بروحها برجع اشوفها كل فترة وفترة كدا بتبسطني

كدا ايها السيدات والسادة اكون خلصت الفيديو بتاعي - متنسوش تشتركوا في الgivaway اللينك تحت في الدسكربشن و لو عجبكم الفيديو لايك و اتأكدوا انكم عاملين سابسكرايب عشان ميفوتكوش اي فيديو او giveaway كل اسبوع